(ANSA) - BULSAN, 5 LUG - Ince chësc ann vëgnel indô organisé deplü mostres tl Istitut Ladin Micurá de Rü a San Martin de Tor: trëi vëgn metüdes a jí dal Istitut Ladin y dal'EPL - Ert por i Ladins y öna vëgn organisada en colaboraziun cun la Lia mostra d'ert a Urtijëi.
La pröma, chëra dal titul "Derevers" de Georg Erlacher, vëgn inaugurada ai 15 de messé; dai 5 d'agost inant pón amiré i laurs de Claus Soraperra tla mostra "Ladinoentropia". La terza mostra dal titul "Ghialar" de Egon Rusina vëgn spo daurida ai 21 d'otober. La mostra de Gustav Willeit "0616" sará da odëi tl salf dla Lia mostra d'ert dai 16 de setëmber inant. La ligna de mostres che vëgn presentades ó mostré sö la varieté dles espresciuns artistiches dles valades ladines.